A asociación centra a súa actividade na Banda de Gaitas Buxaina, fundada en 1993. A súa fin é a interpretación e promoción da música tradicional galega. Para iso realizamos as seguintes actividades: cursos-escola das diferentes disciplinas (gaita, tambor, bombo e pandeireta), actuacións musicais (concertos, pasacalles, alboradas, etc) e participación en concursos así como todas aquelas actividades que teñan relación coa promoción e interpretación da música tradicional galega.
Somos un grupo de rapazas e rapaces de todas as idades, nenos, nenas e adultos. A nosa actividade cotiá (ensaios) realízase na escola de Outeiro (Taragoña).